WAMBURA AIBUKA, ADAI KAMATI YA MAADILI ILITOA MAJIBU YA KISHABIKI KUHUSU RUFAA YAKE

Baada ya Shirikisho la Soka Tanzania (TFF) kutoa maamuzi ya rufaa iliyokatwa na aliyekuwa Makamu wa Rais shirikisho hilo jana kupitia Kamati ya Maadili, Michael Wambura, Wambura ameibuka leo kusema hayakuwa sahihi.

Wambura amesema kuwa maamuzi hayo hayakuwa sahihi na hivyo hakubaliani nayo kwa namna ambavyo yalitolewa.

Licha ya hilo, Wambura ameeleza kuwa Kamati ya Maadili imeleta majibu ambayo ni ya kishabiki huku akidai kilichofanyika wakati wa usikilizwaji wa rufaa na maamuzi yaliyotoka ni vitu viwili tofauti.

Kuafuatia majibu ya rufaa hiyo, Wambura ataendelea kutumikia adhabu yake ya kifungo cha kutojihusisha na masuala ya soka, huku kamati ikieleza kutupilia mbali rufaa ya Wambura jana.