Jambazi sugu na aliyekuwa akitafutwa auawa na polisi

Shimoli Junior aliuawa kwa kufyatuliwa risasi wakati wa wizi katika mtaa wa Jericho

Washirika wake wawili walitoroka na majeraha ya risasi

Bastola iliyokuwa na risasi ilipatikana kutoka kwake

Babake Shimoli, ambaye pia mwizi sugu aliuawa 20

Mmoja wa wezi sugu zaidi Nairobi , Shimoli Junior, Ijumaa, Mei 11, aliuawa eneo la Jericho wakati wa wizi.

Jambazi sugu, Shimoli Jnr, na aliyekuwa akitafutwa auawa na polisi eneo la Jericho. Picha/Kenya Talk

Maafisa wa uchunguzi wa kihalifu kutoka Buruburu walipata habari kwamba kulikuwa na kundi la wahalifu watatu waliokuwa wakiibia watu mwendo wa saa tatu na nusu asubuhi, katika steji ya Kanu, Jericho.

Polisi walifika katika eneo hilo na kumuua Shimoli Junior huku wenzake wawili wakitoroka na kuingia katika kitongoji cha Kiambiu wakiwa na majeraha ya risasi.

Polisi walipata bastola ya kisasa ikiwa na risasi ambayo walichukua kama ushahidi. Alikuwa mwanawe mhalifu sugu aliyeuawa 2007.

Jambazi sugu, Shimoli Jnr, na aliyekuwa akitafutwa auawa na polisi eneo la Jericho. Picha/Lucky Omenda/Tuko

Babake Edward Shimoli al-maarufu, Shaban Mohammed, aliuawa muda mfupi baada ya kuachiliwa kutoka jela la Kamiti Maximum baada ya kukaa humo kwa miaka nane.

Aliuawa katika barabara ya Nairobi kuelekea Kangundo. Polisi baadaye walisema hawakujua kuwa alikuwa miongoni mwa waliouawa.

Alikuwa miongoni mwa majambazi wengine waliokuwa wamejiami. Picha/Kwa Hisani

Kabla ya kifo chake, alielezea hofu yake kwamba angeuawa hasa kutokana na kuwa alikuwa ametoka jela na kulikuwa na mtindo wa mauaji ya magaidi wakitoka jela.

Alikuwa ameanzisha biashara ya teksi baada ya kutoka Kamiti.

Una maoni? Una habari ambayo ungependa tuichapishe? Tuma ujumbe

Kwa barua pepe 

danielothmary@gmail.com