Wanachama Yanga wampinga Mzee Akilimali

Na James Timber, Mwanza

Tawi la Yanga Mkoa wa Mwanza Mjini  wameungana na wanachama baadhi walio hai wa Klabu hiyo  kwa lengo la  kusafiri mpaka Dar es Salaam kumpinga Mzee Akilimali kugombea katika nafasi ya Uenyekiti.

Akizungumza na Muungwana Blog, mara baada ya kikao cha kuimarisha umoja wa tawi hilo Afisa habari wa Klabu ya Yanga Tawi la jijini Mwanza Seleiman Mohamed Ally alimaarufu Sele Yanga amesema kuwa Mzee Akilimali hana cha kuwasaidia katika Klabu hiyo hawaoni sababu ya kuomba kugombea tena nafasi hiyo.

"Mkoa wa Mwanza una matawi yasiyopungua 13 na wanachama wote hawamtaki maana katuletea shida hamna alichofanya kwani kuendesha Klabu kama hiyo ni pesa na yeye hana hela ni bora awaachie wenye pesa zao," amesema Sele Yanga.

Kwa upande wake Katibu Mipango Tawi la Yanga Mwanza Mjini Hashim Omary Ramadhan amewaomba washabiki wa timu hiyo jijini hapa watulie na waendelee kusubiria mambo mema kama ilivyokuwa hapo awali.

Aidha ameeleza kuwa Klabu ya  Simba imechukua Kombe kwa mkopo wanaimani uongozi bora ndio utairejesha Klabu hiyo katika nafasi yake kama hapo awali.