Hivi ndivyo Samatta alivyozikwepa Arsenal, Chelsea

MSHAMBULIAJI wa kimataifa wa Tanzania, Mbwana Samatta anayeichezea KRC Genk ya Ubelgiji amezikwepa Arsenal na Chelsea kwenye hatua ya mtoano ya raundi ya 32 ya Europa League baada ya timu yake kupangwa kukutana na Slavia Prague ya Jamhuri ya Czech.

Arsenal na Chelsea nazo zinaonekana kuangukia mchekea katika hatua hiyo kufuatia droo hiyo iliyopangwa jana jijini Nyon, Uswisi.
Katika droo hiyo, Arsenal itaanzia ugenini dhidi ya BATE Borisov ya Belarus wakati Chelsea ikianzia nchini Sweden dhidi ya Malmo.

Katika droo hiyo Inter Milan vs. Rapid Vienna, Celtic vs.Valencia, Viktoria Plzen itavaana na Dinamo Zagreb, Club Brugge vs. FC Salzburg, Krasnodar vs. Bayer Leverkusen, Zurich vs. Napoli, Malmo vs. Frankfurt, Celtic vs. Valencia, Rennes vs. Real Betis, Olympiakos vs. Dynamo Kyiv, Lazio vs. Sevilla, Fenerbache vs. Zenit, Sporting CP vs. Villarreal na Galatasaray vs. Benfica.