Simba kuifuata Nkana FC Zambia

Uongozi wa klabu ya Simba SC, umethibitisha kuwa klabu hiyo itaondoka Tanzania Siku Jumatano Disemba 12 kuelekea Zambia kwa ajili ya Mchezo wa raundi ya kwanza ya klabu bingwa Afrika dhidi ya Nkana FC ya Zambia.

Simba itasafiri kuelekea nchini huko ambapo itakuwa na kibarua kizito katika mchezo wa mkondo wa kwanza unatarajiwa kupigwa Ijumaa ijayo ya Disemba 14.

Kikosi hicho tayari kimeshaanza mazoezi kwenye Uwanja wa Boko Vetrani jijini Dar es Salaam tayari kwa mechi hiyo huku Kocha Mkuu, Patrick Aussesm akieleza kuwa na imani na kikosi chake.

Mshindi wa jumla wa michezo hiyo atafanikiwa kufuzu moja kwa moja kucheza makundi na ambaye atafungwa kwa matokeo ya jumla atacheza mchezo wa mtoano ama 'Play Offs' wa kufuzu kucheza makundi ya Kombe la Shirikisho Afrika.