Siwezi kushangilia maana hii si yanga yenyewe :Chilwa

Na.Thabit Madai,Zanzibar.
Mchezaji wa Timu ya Azam Fc Obrey Chirwa, amesema hana sababu ya kushangilia Magoli aliyofunga dhidi ya Yanga jana katika mchezo wa kombe la Mapinduzi kutokana na kikosi cha Yanga hakikukamilika kwa wachezaji wake muhimu.

Aliyasema hayo wakati akizungumza na waandishi wa habari mara baada ya kumalizika kwa mchezo namba saba uliwakutanisha Azam na yanga ambapo Azam waliibuka na ushindi wa bao 3-0.

“Siwezi kushangalia maana hii si yanga yenyewe, nataka kuwafunga au simba yenyewe ili nione uwezo wangu”alisema Obrey chirwa.

Obrey chirwa alisema timu waliocheza nayo ni yanga ila hawa ni vijana na si yanga ile yenye wachezaji mahodari hivyo hana sababu ya kushangilia kwa magoli aliyafunga.

Aidha Obrey chirwa amesema wachezaji wa Yanga wanauwezo ila walichokikosa ni uzoefu pamoja umakini katika safu yao ya ushambuliaji.

“karibia wote wachezaji ni wazuri na wana vipaji vya mpira” alisema chirwa.

Obrey chirwa alifunga magoli mawili katika mchezo huo na kuifanya Azam kuweza kuongoza kundi B kwa Point 4.