MILIONI 40 KUMALIZIA KITUO CHA AFYA MUNINGA

Shilingi milioni 40  zimetengwa katika mwaka wa fedha 2018/19 kwa ajili ya umaliziaji wa kituo cha afya Muninga kilichopo Halmashauri ya Wilaya ya Mufindi.

Hayo yamesemwa leo bungeni na Naibu Waziri Ofisi ya Rais Tamisemi Josephat Kandege wakati akijibu swali la mbunge wa Mufindi Kusini Mendrad Kigola (CCM).

Kigola aliuliza ni lini Serikali itamalizia ujenzi wa vituo vya afya kata ya Mtwango, Mninga na Makungu.

Naibu waziri alisema fedha hizo zinztarajia kufanya umaliziaji wa jingo la wagonjwa wa Nje ambalo litatumia kiasi cha shilingi milioni 30, na shilingi milioni 10 zitatumika kujenga ujenzi wa nyumba ya Mganga.

Pia amesema ujenzai wa kituo cha afya cha Mninga na Mtwango umefika katika hatua nzuri ambapo maabara na nyumba ya mtumishi zimefikia katika hatua ya umaliziaji.