Nakumatt kufurushwa na wamiliki 14 wa majumba waliositisha kandarasi zao za kuipangishia majumba

-Wamiliki 14 wa majumba yanayopangishwa na kampuni ya Nakumatt Holdings hawataki kufanya kazi na Nakumatt kama mpangaji

-Wamiliki hao wa majumba walisema kuwa hawaungi mkono mpango wa kuisaidia Nakumatt kusitirika kibiashara kwa mikakati iliyopangiwa kuongozwa na Peter Kahi

-Walisema kuwa uamuzi wao kusitisha kandarasi na Nakumatt ulitokana na hatua ya duka la jumla la Tuskys kujiondoa kwenye mpango wa kuisadia Nakumatt kiraslimali kurejesha udhabiti wa biashara yake

Wamiliki 14 wa majumba yaliyopangishwa na Nakumatt kote nchini walitangaza Jumapili, Aprili 28 kuwa hawataki kuendelea kufanya kazi na Nakumatt kama mpangaji.

Walitupilia mbali mpango wa kuisaidia Nakumatt kurejesha udhabiti wake kibiashara kwa mikakati itakayoongozwa na Peter Obondo Kahi.

Tuma neno ‘NEWS’ kwa 40227 ili kupata habari muhimu pindi zinapochipuka

“Hatuungi mkono mapendekezo hayo kurejesha udhabiti wa duka hilo chini ya usimamizi wa Peter Kahi.” Wamiliki hao wa majumba walisema.

Wamiliki 14 wa majumba yanayopangishwa na duka la jumla la Nakumatt wamekataa kuendelea kufanya kazi na duka hilo kama mpangaji kwa kukosa kulipwa ada za upangaji. Picha: Facebook/Mate Habib

Wamiliki hao wa majumba walisema kuwa walijenga majumba hayo kwa pesa za mkopo na kuna hatari ya majumba yao kutwaliwa na benki.

“Baadhi yetu tulijenga majumba yetu kwa mikopo na kuna hatari ya majumba hayo kutwaliwa na benki kutokana na hatua ya Nakumatt kutokuwa mwaminifu.” Taarifa ya wamiliki hao wa majumba ilisema.

Hayo yamejiri chini ya wiki moja baada ya duka la Nakumatt Lifestyle kwenye jumba la kibiashara la Hazina kuondolewa katika jumba hilo kwa nguvu licha ya kuwekwa chini ya uongozi.

“Wamiliki wa nyumba za Galleria, Nyali, Likoni, Karen, Crossroads, Nakuru, Eldoret Household, Cinemax, Nanyuki, Highridge, City Hall, Diani, Malindi, Meru nad Highport (jumba la maghala) tunasema kuwa hatutaki kufanya kazi na Nakumatt kama mpangaji.”Taarifa yao ilisema.

Mmiliki wa duka jum la Hazina aliondoa bidhaa kwenye duka la Nakumatt Lifestyle siku chache zilizopita kutokana na mpangaji huyo kutolipa madeni yake ya upangaji. Picha: Facebook/Mate Habib

“Tuna habari kuwa wamiliki wawili wa majumba hawatatia saini kandarasi nyingine na Nakumatt hivi karibuni, kandarasi za sasa zitakamilika hivi karibuni.

“Wamiliki wengine watano wa majumba wameishtaki Nakumatt na kuacha wamiliki tisa wa majumba ambao wako tayari kuendelea kufanya kazi na Nakumatt kama mpangaji.” Wamiliki hao wa majumba walisema.

Wamiliki hao wa majumba walisema waliafikia uamuzi huo baada ya kujadiliana kuhusu mikakati ya kuisaidia Nakumatt kurejesha udhabiti wake kwenye biashara.

“Kwa sababu Nakumatt haileti bidhaa kwenye maduka yake, hali hiyo imeathiri wapangaji wengine na kusababisha hasara, watu kupoteza kazi na tumekosa kulipa mikopo ya benki.” Wamiliki hao wa majumba walisema.

Duka la Nakumatt limefurushwa katika majumba mengi nchini iliyopangisha yakiwemo yale za Nanyuki na Nyali. Picha: Facebook/Mate Habib

Mapema mwaka huu, mahakama kuu iliiruhusu Nakumatt kumteuwa Peter Kahi kupanga mikakati ya kuisaidia Nakumatt kulipa madeni ya upangaji na madeni kwa wamiliki wa majumba na madeni mengine.

Kahi alitarajiwa kukutana na watu ambao Nakumatt ina madeni yao kwa siku 60 baada ya kuteuliwa kutatua malalamishi wao.

Kuteuliwa kwake kumejiri baada ya kampuni hiyo kupoteza mapato kutokana na kufurushwa kwa majumba waliopangisha kwa kuwa na madeni ya mamilioni ya pesa.

Duka la jumla la Carrefour iliyoingia katika soko la Kenya hivi majuzi ilichukua nafasi ya Nakumatt katika matawi yake kote nchini.