Rais wa Korea Kaskazini na Kusini wakubaliana kufanikisha mazungumzo yajayo

TANGAZA BIASHARA,HABARI,KAZI,MATUKIO YAKO KUPITIA SUPERNIDA BLOG,KWA MAWASILIANO ZAIDI TUPIGIE SIMU 0767673288AU 0675830390

Rais wa Korea Kaskazini bado ana nia ya kufanikisha mazungumzo

Ni nia ya kiongozi wa Korea Kaskazini, Kim Jong-un kuwa mkutano kati yake na Rais wa Marekani Donald Trump uendelee, imeeleza taarifa ya vyombo vya habari vya Korea Kaskazini.

Hii ni kutokana na mkutano wa kushtukiza wa siku ya Jumamosi kati ya Kim na Rais wa Korea Kusini, Moon Jae-in.

Rais Trump alisitisha mkutano uliopangwa kufanyika tarehe 12 mwezi Juni kuzungumzia mpango wa nuklia wa Korea Kaskazini, lakini alisema Jumamosi kuwa mambo yanaendelea vizuri sana

Wakati huo huo ujumbe wa Marekani uliripotiwa kwenda Korea Kaskazini siku ya Jumapili.

Balozi wa zamani wa Marekani nchini Korea Kusini, Sung Kim, atafanya mazungumzo na naibu waziri wa mambo ya nje wa Korea Kaskazini kuhusu maandalizi ya mkutano, vyombo vya habari vya Marekani na Korea Kusini vimeeleza.

Mkutano huo ni matunda ya jitihada za kidiplomasia ambazo zilianza mwaka huu kujaribu kuondoa hali ya msuguano uliohofiwa kugeuka kuwa makabiliano ya kijeshi kati ya Korea Kaskazini, Korea Kusini, na Marekani.

Kilitokea nini kwenye mkutano wa kushtukiza wa Jumamosi

Rais Moon amesema yeye na Rais Kim wamekubaliana mkutano wa tarehe 12 Juni uwe wa mafanikio na Kiongozi wa Korea Kaskazini kwa mara nyingine ameweka wazi nia yake ya kuondosha silaha za nuklia katika rasi ya Korea.

Lakini Moon amesema Kim hana uhakika kama nchi yake inaweza kuiamini Marekani na ahadi yake ya kumaliza mahusiano yao ya uhasama.

Viongozi hao wa juu watakuwa na mazungumzo zaidi siku ya Ijumaa.

PAKUA[DOWNLOAD] SASA APPLICATION YA SUPERNIDA KUPATA HABARI ZOTE KILA SAA BONYEZA HAPA >>>>DOWNLOAD SASA BONYEZA HAPA.>>>>>