Baraka The prince Skendo ya kuwa Marioo Akanusha

MSANII wa Muziki wa Bongo Fleva, Baraka Andrew ‘Baraka The Prince’ amekanusha tuhuma za yeye kulelewa na mwanamke ‘Marioo’ na kuongeza kwamba hayo ni mambo ya kishamba hivyo hawezi kufanya vitu kama hivyo.

Akipiga stori mbili tatu na Risasi Vibes, Barakah alisema anashangaa watu wanavyomsema mitandaoni kwamba yeye ni marioo kwa sababu ya kuwatongoza wasichana kisha baadaye kuwaomba pesa ambazo huzipeleka studio kwa ajili ya kurekodia muziki kitu ambacho si kweli.

“Hivi ni kweli kwamba nimeishiwa pesa kiasi hicho hadi nianze kufanya hivyo? Sikia hayo ni mambo tu ambayo watu wameamua kunitungia, isitoshe hata hizo meseji zinazosambaa mitandoni zikionyesha namtongoza msichana sio za kweli, mambo ya kishamba hayo mimi siwezi kabisa kuyafanya,” alisema Baraka.