Jaguar wakati wa mahojiano ya televisheni

Apr 8, 2018 2:30 PM

-Rapa Prezzo amemaliza bifu kati yake na mwanamuziki na mbunge Jaguar

-Prezzo alisema bifu hiyo haikuongeza chochote katika akaunti yake ya benki, maisha au kazi

-Rapa huyo alisema amebadilika kwa sababu ya kuzaliwa kwa bintiye

-Wanamuziki hao maarufu wamekuwa wakipimana nguvu kwa muda mrefu

‘King of Bling’ Jackson Ngechu, almaarufu Cmb Prezzo na mwanamuziki na mbunge wameweka tofauti zao kando baada ya kutofautiana kwa muda mrefu.

Wawili hao walionekana kukabiliana mitandaoni mara kwa mara huku wakishindana anayefaa kutambuliwa kama tajiri zaidi na aliye maarufu.

Katika hatua isiyotarajiwa Prezzo Ijumaa, Aprili 6, alitangaza kuachana na bifu kati yao wakati wa mahojiano ya televisheni.

Wakati wa mahojiano katika kipindi cha 10 over 10, Citizen TV, mwanamuziki huyo alisema hakuwa na shida yoyote kwa yeyote wakiwemo wapenzi wake wa zamani na hata mpinzani wake mkubwa Jaguar. Mwanamuziki huyo aliulizwa ikiwa alikuwa katika mkabala mzuri na Yola na wengine.

CMB Prezzo amaliza bifu kati yake na Jaguar wakati wa mahojiano ya televisheni. Picha/Citizen TV/Youtube

"Sina shida yoyote na mtu yeyote, nimebadilika, niko shwari na kila mtu, hata Jaguar,” alisema.

Alisema alibadilika hasa baada ya kuwa baba. Prezzo aliongeza kuwa bifu kati yake na Jaguar haikuongeza chochote katika maisha yake kimapato au kikazi na hivyo hakukuwa na haja ya kuiendeleza.

Hatua ya Prezzo ilishangaza wengi waliofikiria kuwa wawili hao wangesalia kuwa maadui daima.

Jaguar ajajibu Prezzo kuhusiana na tangazo hilo.